ახალი ამბები

ჩინეთის პრეზიდენტი სი ძინფინგი ჰონგ-კონგის ახალი ლიდერის ინაუგურაციას დაესწრო.

სი ძინფინგის განცხადებით, პეკინი ერთი ქვეყანა, ორი სისტემის სახელით ცნობილი მოდელის შეცვლას არ აპირებს.

ჰონგ-კონგი ჩინეთის შემადგენლობაში 1997 წლის 1 ივლისს დიდ ბრიტანეთთან დადებული შეთანხმების შედეგად შევიდა.

შეთანხმების ძალით ჰონგ-კონგმა პეკინისგან შიდა პოლიტიკის, მართლმსაჯულების და ეკონომიკის საკითხებში ფართო ავტონომია მიიღო.

ბოლო წლებში ჩინეთმა ჰონგ-კონგში უსაფრთხოების უწყებების საქმიანობა გააძლიერა და ქალაქის მმართველ ორგანოზე კონტროლი დაამყარა.

2020 წელს ჰონგ-კონგში ეროვნული უშიშროების შესახებ კანონი მიიღეს, რაც ქალაქის მაცხოვრებლებს სიტყვის, პრესის, დემონსტრაციის და სხვა უფლებებს მნიშვნელოვნად უზღუდავს.

დაიხურა ათობით დამოუკიდებელი მედია-საშუალება.

დიდი ბრიტანეთი და აშშ აცხადებენ, რომ ჩინეთმა 1997-ში ნაკისრი ვალდებულებები არ შეასრულა.

პეკინი ბრალდებას უარყოფს და „ქალაქში ქაოსის ნაცვლად წესრიგის“ დამყარებაზე საუბრობს.

“ყველა მტკივნეულად გრძნობს, რომ ჰონგ-კონგი ქაოსური ვერ იქნება და არც მომავალში უნდა გახდეს. ჰონგ-კონგის განვითარებას მომავლისთვის ვერ გადავავადებთ, ნებისმიერი ჩარევა უნდა გამოირიცხოს“, - განაცხადა ჩინეთის ლიდერმა.

• ყოფილი ძალოვანი და უფრო პრო-ჩინელი - ჰონგ-კონგს ახალი ლიდერი ჰყავს