ახალი ამბები

ჩინეთმა დონალდ ტრამპის გამოწვევა მიიღო და ამერიკული პროდუქციის იმპორტზე სარკისებური 34%-იანი საბაჟო ტარიფი დააწესა. 

State of Play: გარდა ამისა ჩინეთს შეაქვს საჩივარი მსოფლიო სავაჭრო ორგანიზაციაში. ორგანიზაციის დავების გადაჭრის მექანიზმი უკვე მრავალი წელია არ მუშაობს, რადგანაც აშშ მას ჩინეთის ეკონომიკური ექსპანსიის ინსტრუმენტად მიიჩნევს. 

• ჩინეთი 2 აპრილს ტრამპის მიერ გამოცხადებული სავაჭრო ომების მთავარი ობიექტია - ვაშინგტონს პეკინთან უზარმაზარი სავაჭრო დეფიციტი აქვს, რომლის აღმოფხვრასაც ტრამპი თავისი პირველი საპრეზიდენტო ვადის დროსაც ეცადა. 
  
  
• ჯამურად ტრამპის ინაუგურაციის შემდეგ ჩინეთისთვის დაწესებული სავაჭრო ტარიფების მოცულობა 54% შეადგენს. 
  
  

Big Picture: გარდა ამისა ტრამპმა უკვე გამოაცხადა, რომ მოლაპარაკებების წარუმატებლობის შემთხვევაში 2 მაისს ჩინურ იმპორტზე ტარიფებს მორიგ ჯერზე გაზრდის. 

• ამჯერად საუბარია ჩინურ ელექტრონული კომერციის პლატფორმებისთვის მოქმედ გამონაკლისზე, რომლის მეშვეობითაც 800 დოლარამდე შეკვეთები არ იბეგრებოდა და საბაჟოზე არ მოწმდებოდა. 
  
  
• მხოლოდ გასული წლის განმავლობაში ამერიკელებმა 1.5 მილიარდი მსგავსი გზავნილი მიიღეს - სავარაუდოა, რომ ტრამპის გადაწყვეტილება ყველაზე მძიმედ ისეთ ჩინურ პლატფორმებზე აისახება როგორებიცაა Temu და Shein. 
  
  

Context: ტრამპის მიერ გამოცხადებულ სავაჭრო ომს გლობალური საფონდო ინდექსების მკვეთრი კლება, დოლარის კურსის დასუსტება, უმსხვილესი კომპანიებისა და უმდიდრესი ადამიანების კაპიტალიზაციის შემცირება და ასევე ნავთობის ფასების მკვეთრი კლება მოჰყვა.