ახალი ამბები

7 აგვისტოს ღაზას სექტორში ცეცხლის შეწყვეტის რეჟიმი ამოქმედდა.

ცეცხლის შეწყვეტის შეთანხმებას ადასტურებენ ისრაელი, პალესტინური ისლამური ჯიჰადი და ეგვიპტე, რომელიც მხარეებს შორის შუამავლობდა.

გასულ კვირაში ღაზაში დაწყებულ კონფლიქტს 40-მდე პირის სიცოცხლე შეეწირა, 400-მდე კი დაიჭრა.

ვითარება 5 აგვისტოს გამწვავდა, როცა ისრაელმა ღაზას სექტორში ისლამური ჯიჰადის მეთაურების წინააღმდეგ სპეცოპერაცია ჩაატარა.

ისრაელის მთავრობის განცხადებით, დაჯგუფების წევრები ისრაელის წინააღმდეგ იერიშს ამზადებდნენ.

ისრაელის პრემიერ-მინისტრის, იაირ ლაპიდის განცხადებით, ოპერაციის შედეგად ისლამური ჯიჰადის ორი მეთაურის ლიკვიდაცია მოხდა.

ისლამური ჯიჰადის წევრებმა ისრაელის მიმართულებით 900-მდე რაკეტა ისროლეს, რომელთა ნაწილი ღაზის ტერიტორიაზე ჩამოვარდა, აცხადებენ ისრაელის გენშტაბში.

ისრაელის პრემიერმა კაიროს შუამავლობისთვის მადლობა გადაუხადა.

„თუ ცეცხლის შეწყვეტის რეჟიმი დაირღვევა, ჩვენ ამას გადამწყვეტ პასუხს გავცემთ“, - აცხადებენ ბენეტის ადმინისტრაციაში.

1981 წელს დაფუძნებული ისლამური ჯიჰადის მოძრაობა მუსლიმი ძმების პალესტინურ განშტოებად აღმოცენდა.

ისლამური ჯიჰადი ოსლოს შეთანხმებებს უარყოფს, რომელიც ისრაელის და პალესტინის ტერიტორიებზე ორი სახელმწიფოს თანაარსებობას გულისხმობს.