ახალი ამბები

ინდოეთმა წარმატებით გაუშვა ავტომატური მზის სადგური Aditya-L1. გამშვები მანქანა PSLV C57 (სატელიტის გამშვები მანქანა) სადგურთან ერთად კუნძულ შრიჰარიკოტადან გაუშვეს.

ამის შესახებ ინდოეთის კოსმოსური კვლევის ორგანიზაციამ (ISRO) 2 სექტემბერს განაცხადა.

"მოწყობილობამ სატელიტი ზუსტად მიიყვანა ორბიტაზე. ინდოეთის პირველმა მზის ობსერვატორიამ დაიწყო გადადგილება მზე-დედამიწის სისტემის L1 წერტილამდე (ლაგრანგის წერტილის მიდამოში ჰალო ორბიტამდე)," - ნათქვამია განცხადებაში. 

L1 დედამიწიდან დაახლოებით 1.5 მილიონი კილომეტრის დაშორებით მდებარეობს. სადგური დედამიწის ორბიტაზე 16 დღე უნდა დარჩეს, შემდეგ კი L1-ისკენ კიდევ 110 დღე უნდა იმოძრაოს. თუ მისია წარმატებით დასრულდა, მაშინ სადგური მზეზე უწყვეტ დაკვირვებას სიბნელის გარეშე შეძლებს.

Aditya-L1 ინდოეთის პირველი მისიაა მზის შესასწავლად. მისი მთავარი მიზნებია მზის ქრომოსფეროსა და გვირგვინის შესწავლა, მაგნიტური ველისა და ნაწილაკების ნაკადის გაზომვა.

მის ბორტზე შვიდი ინსტრუმენტია - ოთხი დისტანციური ზონდირებისთვის და სამი ადგილზე დაკვირვებისთვის.