ახალი ამბები

2023 წლის 31 დეკემბრის ღამეს, "გამათბობელ მოწყობილობებთან უყურადღებო მოპყრობის, უსაფრთხოების ზომების უგულებელყოფის, დაუდგენელ ადგილას მოწევის" შედეგად, 400-მდე მობილიზებული რუსი სამხედრო დაიღუპა, რომლებიც დონეცკის ოლქის ქალაქ მაკიივკაში, ПТУ-19-ის შენობაში იმყოფებოდნენ. 

ამ ინფორმაციას 1 იანვარს Telegram-ზე უკრაინის შეიარაღებული ძალების სტრატეგიული კომუნიკაციების დეპარტამენტი ავრცელებს.

გარდა ამისა, კიდევ 300-მდე ოკუპანტმა სხვადასხვა სიმძიმის დაზიანება მიიღო.

Readovka წერს, რომ პროფესიული სასწავლებლის შენობაში რუსი სამხედროები იყვნენ განთავსებული. სასწავლებელი HIMARS-ის სარაკეტო სისტემით დაიბომბა, შენობა მძიმედ დაზიანდა, დაღუპული და დაჭრილი ოკუპანტების ზუსტი რაოდენობა ჯერჯერობით უცნობია.

უკრაინელმა სამხედრო ჟურნალისტმა, "1+1"-ის კორესპონდენტმა ანდრეი ცაპლიენკომ Telegram-ზე "მაკიივკაში ოკუპანტების საახალწლო საჩუქრის" ვიდეო გამოაქვეყნა. მასზე ნაჩვენებია  HIMARS-დან რაკეტების გაშვება.