ახალი ამბები

ამერიკაში რამდენიმე კვირის კლების შემდეგ ნიღბების გაყიდვა 24%-ით გაიზარდა. ინფორმაციას Adobe Digital Economy Index აქვეყნებს.

კომპანიამ აღმოაჩინა, რომ 21-27 ივლისს ნიღბების გაყიდვა მკვეთრად გაიზარდა.

ეს მაისის ბოლოდან გაყიდვების ზრდის პირველი შემთხვევაა.

პირბადეების გაყიდვით მიღებული შემოსავალი თვეების განმავლობაში მცირდებოდა. NielsenIQ-ს ინფორმაციით, ნიღბების გაყიდვით მიღებულმა შემოსავალმა აპრილში 101 მილიონი დოლარი შეადგინა, ივლისის დასაწყისში კი - 37.

ამერიკის დაავადებათა კონტროლისა და პრევენციის ცენტრმა კორონავირუსის ინდური შტამის გავრცელების ფონზე მოქალაქეებს დახურულ სივრცეში პირბადეების ტარების რეკომენდაცია მისცა.