უკრაინამ ხერსონში სამი მიმართულებით კონტრშეტევა წამოიწყო
უკრაინის შეიარაღებული ძალების ქვედანაყოფები ხერსონის რაიონში სამი დასახლებული პუნქტის მიმართულებით კონტრშეტევაზე არიან. ამის შესახებ ინფორმაცია ხერსონის საკრებულომ ფეისბუქზე 11 ივნისს გაავრცელა.
"უკრაინის ჯარები აწარმოებენ კონტრშეტევას ხერსონის ოლქის კისელევკას, სოლდაცკის და ალექსანდროვკას მიმართულებით. სოფელი ტავრისკოე მთლიანად უკრაინის კონტროლს ექვემდებარება." - ნათქვამია განცხადებაში.
უკრაინის შეიარაღებული ძალების ოპერატიული სარდლობა "სამხრეთი" ფეისბუქზე ავრცელებს ინფორმაციას საკმაოდ ინტენსიური საომარი მოქმედებების შესახებ ხერსონის ადმინისტრაციული საზღვარის მეზობელ რეგიონებთან, კერძოდ ბერისლავის რეგიონში.
შეტაკების შედეგად დაზიანდა მრავალი სახლი და შენობა, დაშავდა მშვიდობიანი მოსახლეობა.
ამავდროულად, რუსი დამპყრობლები აძლიერებენ თავდაცვით ხაზებს და აგროვებენ რეზერვებს, რათა დაიცვან წყალმომარაგების კვანძი ხერსონის რეგიონიდან ანექსირებული ყირიმის ნახევარკუნძულამდე.
"ჩრდილოეთ ყირიმის არხის გარშემო აშენდა დამცავი რკინაბეტონის კონსტრუქციები, გაიზარდა საგუშაგოების რაოდენობა მისასვლელ გზებზე და ხიდებთან", - განაცხადა "სამხრეთის" სარდლობამ.
.png)
