ახალი ამბები

ირანის მმართველ წრეებში შეერთებულ შტატებთან მიმდინარე მოლაპარაკებებთან დაკავშირებით წარმოქმნილი განხეთქილება იზრდება. 

ვითარების არსი: ინფორმაციას ამის შესახებ საკუთარ წყაროებზე დაყრდნობით Wall Street Journal ავრცელებს. 

• განხეთქილების მიზეზი წყაროების ცნობით არის, თუ რა ტიპის დათმობებზე უნდა წავიდეს ირანი შეერთებულ შტატებთან მოლაპარაკებების პროცესში, სანქციების გასაუქმებლად. 
• განხეთქილება თავდაპირველად მიმდინარე თვის დასაწყისში გამოვლინდა, თუმცა ბოლო დღეებში კიდევ უფრო გაიზარდა და საჯარო სივრცეშიც გადმოვიდა. 

ჩაშლილად: წყაროების ცნობით, დაპირისპირებაა ისლამური რევოლუციის გუშაგთა კორპუსის მეთაურებსა და პოლიტიკურ ლიდერებს შორის მიმდინარეობს. 

• გუშაგთა კორპუსის მეთაურები ეწინააღმდეგებიან კომპრომისებს, ხოლო პოლიტიკური ლიდერები უფრო მეტად ეკონომიკის აღდგენაზე არიან ფოკუსირებულები. 
• პოლიტიკოსებზე ზეწოლისთვის ე.წ. პრინციპალისტები იყენებენ პრესას და სოციალურ ქსელებს, რომელშიც მწვავედ აკრიტიკებენ მთავარ მომლაპარაკებლებს, მეჯლისის სპიკერს მოჰამად ბაყერი ყალიბაფსა და საგარეო საქმეთა მინისტრს, აბას არაღჩის. 

დიდი სურათი: წყაროების ცნობით, მოლაპარაკებების სტილით უკმაყიფოლა გუშაგთა კორპუსის მთავარსარდლის მოვალეობის შემსრულებელი აჰმად ვაჰიდი, რომელიც ეწინააღმდეგებოდა ბირთვული პროგრამის განხილვას. 

• СNN-ის ცნობით, საომარი მოქმედებების განახლების შემთხვევაში ვაჰიდი ამერიკისთვის პრიორიტეტული სამიზნე იქნება.
  
  
• ვითარებას ართულებს ახალი უზენაესი ლიდერის სისუსტე, რომელსაც არ ჯერ არ აქვს მამის მსგავსი ავტორიტეტი და ამასთანავე სრულ იზოლაციაში და ვითარებას ეფექტურად ვერ მართავს. 

კონტექსტი: გაზეთის წყაროების ცნობით, ირანის მმართველ წრეებში შექმნილი განხეთქილებებია მოლაპარაკებების მეორე რაუნდის გაჭიანურების მიზეზი.