ახალი ამბები

ნიდერლანდების პარლამენტის ქვედა პალატის არჩევნებზე პირველი ადგილი ლიბერალურმა ცენტრისტულმა პარტია "დემოკრატია 66-მა" (D66) დაიკავა, ხოლო ხერტ ვილდერსის ულტრამემარჯვენე თავისუფლების პარტია (PVV) მეორე ადგილზე გავიდა.

ვითარების არსი: Ipsos i&O-ს ეგზიტპოლის შედეგებით, ტელეარხების - NOS-ისა და RTL-ის დაკვეთით ჩატარდა.

• ეგზიტპოლებით, D66-ს ნიდერლანდების წარმომადგენელთა პალატაში 150-დან 27 მანდატს მოიპოვებს – რაც 18-ით მეტია 2023 წლის არჩევნებთან შედარებით.
• ხოლო ულტრამემარჯვენე PVV 25 ადგილს მიიღებს – რაც 12-ით ნაკლებია, ვიდრე წინა მოწვევის პარლამენტში.
• "ამომრჩეველმა თქვა თავისი სიტყვა," – ასე გამოეხმაურა PVV-ის ლიდერი ხერტ ვილდერსი X-ზე. მისმა პარტიამ წინა არჩევნები დიდი უპირატესობით მოიგო. მან აღნიშნა, რომ სხვა შედეგის იმედი ჰქონდა.
• ეგზიტპოლის მონაცემებით, პირველ ხუთეულში ასევე შედიან: სახალხო პარტია თავისუფლებისა და დემოკრატიისთვის (VVD) – 23 ადგილი, მემარცხენეებისა და "მწვანეების" ალიანსი GL-PvdA – 20 მანდატი და კონსერვატორი ქრისტიან-დემოკრატები (CDA) – 19.

ჩაშლილად: საერთო ჯამში, ნიდერლანდების პარლამენტის ქვედა პალატაში, ეგზიტპოლის მონაცემებით, 15-მდე პარტია შეიძლება შევიდეს, რაც პოტენციურად გაართულებს მოლაპარაკებებს მომავალი კოალიციის ფორმირებაზე.

• როგორც NOS წერს, Ipsos i&O-ს ეგზიტპოლის ცდომილება შეიძლება ერთი-ორი მანდატი იყოს, ამიტომ "ჯერ ნაადრევია დასკვნების გაკეთება, თუ რომელმა პარტიამ მიიღო ხმების უდიდესი რაოდენობა."
• ნიდერლანდებში 29 ოქტომბერს, ვადამდელი საპარლამენტო არჩევნები ჩატარდა. ამის მიზეზი ხერტ ვილდერსის გადაწყვეტილება იყო, გასულიყო ოთხპარტიული კოალიციიდან, უკანონო მიგრაციის წინააღმდეგ არასაკმარისი ზომების გამო.