ახალი ამბები

9 დეკემბრიდან, ნიდერლანდები, უკანონო მიგრაციის შესაჩერებლად სახმელეთო საზღვრებზე დამატებით კონტროლს შემოიღებს.

ამის შესახებ ჰოლანდიური მაუწყებელი NOS წერს.

სამხედრო პოლიცია 9 დეკემბრიდან დამატებით სასაზღვრო კონტროლს განახორციელებს ტრეფიკინგის და არალეგალური მიგრაციის წინააღმდეგ საბრძოლველად.

მინისტრთა კაბინეტმა გადაწყვიტა, რომ ევროკავშირის ქვეყნებიდან ნიდერლანდების საზღვარზე ხალხისა და საქონლის თავისუფალი გადაადგილება ექვსი თვით შეიზღუდება.

ჯერჯერობით უცნობია, რამდენად ინტენსიურად ჩატარდება შემოწმებები. ამჟამად სამხედრო პოლიცია ამ დავალებების შესასრულებლად არ იზრდება.

ევროკავშირის წევრ ქვეყნებს შეუძლიათ განაახლონ სასაზღვრო კონტროლი მხოლოდ გაუთვალისწინებელ გარემოებებში ან საგანგებო შემთხვევებში.

ქვეყნის მთავრობა აცხადებს, რომ თავშესაფრის მაძიებელთა ნაკადი ძალიან დიდია და ამიტომ სასაზღვრო კონტროლი გამართლებულია.

ამჟამად სამხედრო პოლიცია საზღვრის გადაკვეთებზე მხოლოდ შემთხვევით შემოწმებებს ატარებს.

სასაზღვრო კონტროლი სამთავრობო კოალიციის პარტიებს შორის მიღწეული შეთანხმების ნაწილია.

კოალიციაში მყოფი ხეერტ ვილდერსის ულტრამემარჯვენე პარტია დიდი ხანია ითხოვს არალეგალური მიგრაციის წინააღმდეგ ზომების გამკაცრებას, წინააღმდეგ შემთხვევაში სამთავრობო კოალიციის დატოვებით იმუქრება.