ახალი ამბები

რუსული ინტერვენციის საფრთხის ფონზე აშშ-მ და დიდმა ბრიტანეთმა უკრაინაში განთავსებული რამდენიმე ასეული სამხედრო მოსამსახურის გაყვანის გადაწყვეტილება მიიღეს.

150 ამერიკელი სამხედრო, რომელიც ფლორიდის ეროვნულ გვარდიაში ირიცხება, უკრაინას დატოვებს და ევროპის რომელიმე ქვეყანაში გადაინაცვლებს, განაცხადა პენტაგონის პრეს-სპიკერმა ჯონ კირბიმ.

ამერიკელების მსგავსად, საკუთარი სამხედრო მისიის გაყვანას იწყებს დიდი ბრიტანეთიც. 

გაერთიანებული სამეფოს თავდაცვის მინისტრ ბენ უოლესის განცხადებით, ბრიტანელი ჯარისკაცები უკრაინას შაბათ-კვირის განმავლობაში დატოვებენ.

ბრიტანეთის თავდაცვის უწყებაში განაცხადეს, რომ რუსეთის მიერ სამხედრო ინტერვენციის დაწყების შემთხვევაში უკრაინაში არცერთი ბრიტანელი სამხედრო არ იქნება.

11 თებერვალს აშშ-ს პრეზიდენტის მრჩეველმა ჯეიკ სალივანმა განაცხადა, რომ რუსეთმა უკრაინის წინააღმდეგ სამხედრო აგრესიის განახლება შესაძლოა ჩინეთში ზამთრის ოლიმპიადის დასრულებამდე, 20 თებერვლამდე სცადოს.

უკრაინაში მყოფ ამერიკის მოქალაქეებს პრეზიდენტმა ჯო ბაიდენმა ქვეყნის „დაუყოვნებლივ“ დატოვებისკენ მოუწოდა.

მსგავსი განცხადებები გააკეთეს დიდმა ბრიტანეთმა, ნორვეგიამ, სამხრეთ კორეამ, იაპონიამ, ისრაელმა, ლატვიამ და სხვა ქვეყნებმა.

ესკალაციის ქრონიკა: უკრაინა-რუსეთის შესახებ ბოლო სიახლეები

• თეთრი სახლი: რუსეთი უკრაინაში შესაძლოა ოლიმპიადის დასრულებამდე შეიჭრას
• უახლოეს მომავალში ვლადიმირ პუტინსა და ჯო ბაიდენს შორის საუბარი შედგება
• აშშ-მ, ბრიტანეთმა, სხვა ქვეყნებმა საკუთარ მოქალაქეებს უკრაინის დატოვებისკენ მოუწოდეს
• დაძაბულობის ზრდის ფონზე პუტინი და მაკრონი სატელეფონო საუბარს გამართავენ
• რუსეთმა ოკუპირებულ აფხაზეთში სამხედრო წვრთნები დაიწყო
• РИА НОВОСТИ: რუსმა დიპლომატებმა უკრაინის დატოვება დაიწყეს

• AP: უკრაინაში აშშ-ის საელჩოს სრული ევაკუაცია იწყება

• გერმანიის მთავრობა მოქალაქეებს მოუწოდებს, უკრაინა დატოვონ

• უკრაინა: რუსული აგრესიის საფრთხის ფონზე სიმშვიდის შენარჩუნება ‘კრიტიკულად მნიშვნელოვანია’