ბაიდენი: ჰამასი და პუტინი მიზნად მეზობელი დემოკრატიების განადგურებას ისახავენ
აშშ-ის პრეზიდენტმა ჯო ბაიდენმა ამერიკელ ერს ოვალური კაბინეტიდან მიმართა და ღაზასა და უკრაინის ომები ერთმანეთს შეადარა: "ჩვენ ვდგავართ ისტორიის გარდამტეხ წერტილთან, იმ მომენტთან, როდესაც დღევანდელი გადაწყვეტილებები განსაზღვრავს მომავალს, მომავალი ათწლეულების განმავლობაში."
ბაიდენმა ისრაელში მის ვიზიტზე ისაუბრა და ხაზი გაუსვა მის შეხვედრებს ისრაელის ლიდერებთან და ღაზაში მძევლად მყოფთა ოჯახებთან.
"როგორც პრეზიდენტისთვის, ჩემთვის არ არსებობს მძევლად მყოფი ამერიკელების უსაფრთხოებაზე დიდი პრიორიტეტი," - თქვა მან.
"ებრაელმა ხალხმა, ალბათ, ყველაზე უკეთ იცის, რომ არ აქვს საზღვარი იმ ადამიანების გარყვნილებას, რომელთაც სურთ ტკივილი მიაყენონ სხვებს ისრაელში," - აღნიშნა ბაიდენმა.
პრეზიდენტის თქმით, ის ასევე პალესტინის ხელისუფლების პრეზიდენტ მაჰმუდ აბასს ესაუბრა და გაიმეორა, რომ "აშშ პალესტინელი ხალხის ღირსების და თვითგამორკვევის უფლების ერთგული რჩება."
"ჰამასის ქმედებები მათ ამ უფლებას არ ართმევს." - განაცხადა მან.
"გულდასაწყვეტია პალესტინელების სიცოცხლის ტრაგიკული დაკარგვა, მათ შორის ღაზას საავადმყოფოში აფეთქების გამო, რომელიც ისრაელს არ გაუკეთებია," - თქვა მან.
ბაიდენმა ღაზაში მიმდინარე ომი უკრაინაში რუსეთის აგრესიას შეადარა: "ჰამასი და პუტინი სხვადასხვა ძაფს წარმოადგენენ. მაგრამ მათ ეს აქვთ საერთო: ორივეს უნდათ, რომ მეზობელი დემოკრატია მთლიანად გაანადგურონ."
