ახალი ამბები

ევროპული სახელმწიფოებს, რომლებიც ცეცხლის შეწყვეტის შემდეგ უკრაინაში სამშვიდობო კონტინგენტის გაგზავნის გეგმაზე მუშაობენ სურთ პროცესში აქტიურად იყოს ჩართული ჩრდილო-ატლანტიკური ალიანსის შესაძლებლობები და რესურსები. საუბარია სამეთაურო შტაბებისა და სადაზვერვო სტრუქტურებზე. 

State Of Play: ინფორმაციას ამის შესახებ ვითარებაში გაცნობიერებულ წყაროებზე დაყრდნობით, Financial Times ავრცელებს. 

• ამჟამად საფრანგეთი და დიდი ბრიტანეთი განიხილავენ ნატოს სამეთაურო შტაბების სტრუქტურების ჩართვას და ასევე ალიანსის ერთობლივი სადაზვერვო სამსახურების რესურსის გამოყენებას - წყაროების ცნობით, საბოლოო გადაწყვეტილება მიღებული ჯერ არ არის. 
  
  
• სამშვიდობო კონტინგენტის განთავსებაში ლოჯისტიკური და უშუალო დახმარების გარდა ნატოს სტრუქტურების ჩართვას "მსურველთა კოალიციაში" განიხილავენ როგორც მისიაში ამერიკის შეერთებული შტატების ირიბ მონაწილეობას, რაც თავის მხრივ თავდაჯერებულობას შემატებს ქვეყნებს, რომლებსაც ამ დრომდე არ მიუღიათ საბოლოო გადაწყვეტილება. 
  
  
• დონალდ ტრამპმა რამდენიმეჯერ განაცხადა, რომ მხარს უჭერს უკრაინაში ევროპული ჯარების განლაგების იდეას, თუმცა გამორიცხა აშშ-ს პირდაპირი მონაწილეობა. 
  
  

Big Picture: "თუ ჩვენ ვაპირებთ სამხედრო დანაყოფების თავმოყრას რამდენიმე ქვეყნიდან ნატოს სამეთაურო შტაბები ჩვენი ერთადერთი ოფციაა"- ამბობს გამოცემასთან საუბარში ერთ-ერთი წყარო. 

• ე.წ. მსურველთა კოალიციის ფორმატში ამ დროისთვის სულ 30-მდე სახელმწიფო მონაწილეობს, თუმცა ჯერჯერობით უცნობია იმ ქვეყნების რაოდენობა, რომლებიც მზად არიან უკრაინაში საკუთარი დანაყოფები გაგზავნონ. 
  
  
• ამასთანავე ბრიტანელი და ფრანგი სამხედრო ექსპერტების ცნობით, სადაზღვევო ჯარების ეფექტური ფუნქციონირება უკრაინაში შეუძლებელი იქნება ამერიკის შეერთებული შტატების სადაზვერვო და ლოჯისტიკური მხარდაჭერის გარეშე.
  
  
• მოსალოდნელია, რომ პოტენციურ სამშვიდობო მისიაში ნატოს სტრუქტურების ჩართვა მომდევნო კვირაში დაგეგმილ თავდაცვის მინისტრების სამიტის ერთ-ერთი მთავარი თემა იქნება. 

Context: სტრატეგიული კვლევების საერთაშორისო ინსტიტუტის მიერ გამოქვეყნებული კვლევის მიხედვით, საფრანგეთსა და ბრიტანეთს პარნიორებთან ერთად შეუძლიათ უკრაინაში პატარა ან საშუალო ზომის სამშვიდობო კონტინგენტის განთავსებაზე. საუბარია 10-დან 25 ათას სამხედრო მოსამსახურეზე, რაც საავიაციო და საზღვაო დანაყოფებსაც მოიცავს. 

• თუმცა ამავე კვლევაში აღნიშნულია, რომ მისია საგრძნობლად უფრო სუსტი და დაბალეფექტური იქნება აშშ-ს სადაზვერვო მხარდაჭერის გარეშე. 
  
  
• ნატოს წესდებიდან გამომდინარე ალიანსის სტრუქტურების ჩართვას სხვადასხვა საგარეო მისიებში გაერთიანების ყველა წევრის თანხმობა სჭირდება - სავარაუდოა, რომ ამის გამო პროცესი შესაძლოა საგრძნობლად გაიწელოს.