ახალი ამბები

ექსტრემისტული ახალგაზრდული ჯგუფი, რომელიც დაკავშირებულია ულტრამემარჯვენე პარტიასთან "ალტერნატივა გერმანიისთვის" (AfD) ორშაბათს დაიშალა, რათა თავიდან აეცილებინა შესაძლო აკრძალვა.

State Of play: "ახალგაზრდა ალტერნატივა," რომელიც AfD-თან დაკავშირებული ახალგაზრდული ორგანიზაციაა, გერმანიის ფედერალური დაზვერვის სამსახურის მიერ 2023 წლიდან არის მემარჯვენე ექსტრემისტულ ჯგუფად კლასიფიცირებული.

• ახალგაზრდული ჯგუფი პოტენციური აკრძალვის წინაშე აღმოჩნდა, რადგან გერმანიის კანონმდებლობა მიზნად ისახავს ქვეყნის ნაცისტური წარსულის განმეორების თავიდან აცილებას.
• ორგანიზაციის დაშლის ნაბიჯი, რომელსაც მხარს უჭერს როგორც AfD, ასევე თავად ახალგაზრდული ჯგუფი, განიხილება, როგორც ტაქტიკური მანევრი პარტიის დასაცავად და ზომიერი იმიჯის შესაქმნელად.
• ულტრამემარჯვენე პარტია გერმანიის საპარლამენტო არჩევნებზე მეორე ადგილზე გავიდა და მთავარი ოპოზიციური ძალა გახდა. მათ მომავალში ელექტორატის გაფართოება სურთ.
• AfD ახალ ახალგაზრდულ ორგანიზაციას დააარსებს, რომელიც, "ახალგაზრდა ალტერნატივისგან" განსხვავებით, უშუალოდ პარტიის ხელმძღვანელობის მიერ გაკონტროლდება და მასში დაშლილი ჯგუფის მრავალი წევრი შევა.

Big Picture: ახალი ახალგაზრდული ორგანიზაცია, სავარაუდოდ, წლის ბოლოს, AfD-ს ყრილობაზე გამოჩნდება.

• "ბევრი მოგონებების გარდა, ჩვენ ასევე გვაქვს მისია: გავაგრძელოთ კამათი და ბრძოლა ხვალინდელი გერმანიისთვის!" - დაწერეს რეგიონალური "ახალგაზრდა ალტერნატივის" წევრებმა Telegram-ის ბოლო პოსტში. "ჩვენ წვლილს შევიტანთ ახალ ახალგაზრდულ ორგანიზაციაში."

Context: ზოგიერთი გერმანელი პოლიტიკოსი მხარს უჭერს თავად AfD-ს აკრძალვას. გერმანიის კონსტიტუცია უშვებს პოლიტიკური პარტიების აკრძალვას, რომლებიც ცდილობენ გამოიყენონ დემოკრატიული საშუალებები დემოკრატიის დასანგრევად.

"ახალგაზრდა ალტერნატივის" აკრძალვა ბევრად უფრო მარტივი იქნებოდა ლეგალურად და სწორედ ამიტომ მიიღო პარტიამ ეს გადაწყვეტილება.

"არარეალურია პარტიის აკრძალვა, რომელსაც აქვს ხმების 20%-ზე მეტი," - თქვა ჰანეს გნაუკმა, AfD-ის ახალგაზრდული ფრთის ლიდერმა. "მაგრამ შეტევა იქ, სადაც ჩვენ ყველაზე სუსტი ვართ, კერძოდ, 'ახალგაზრდა ალტერნატივის' დაურეგისტრირებელ ასოციაციაზე, რეალისტურია."