ახალი ამბები

ისრაელის თავდაცვის ძალების (IDF) განცხადებით, გასულ ღამეს ირანში „მაღალი ღირებულების სამიზნეებზე“ იერიშები მიიტანეს. საჰაერო რეიდების შედეგად მოკლულია გასამხედროებული დაჯგუფება „ბასიჯის“ მეთაური ღოლამრეზა სოლეიმანი.

დეტალები: სოლეიმანიზე იერიში „ბასიჯის“ მიერ ახლახან მოწყობილ საველე ბანაკზე მიიტანეს.

• IDF-ის განმარტებით, დაჯგუფებამ საპალატე ბანაკი მას შემდეგ შექმნა, რაც ისრაელმა მათი არაერთი ცენტრალური შტაბ-ბინა დაბომბა.

• ოფიციალური ინფორმაციით, იერიშს ასევე ემსხვერპლნენ „ბასიჯის“ მეთაურის მოადგილე და დაჯგუფების სხვა მაღალჩინოსნები.

სხვა სამიზნეები: ისრაელი ასევე ადასტურებს ირანის ერთ-ერთ გავლენიან ფიგურაზე, ქვეყნის დე ფაქტო ლიდერ ალი ლარიჯანიზე მიტანილ იერიშს.

• თუმცა, სამხედრო უწყებაში აცხადებენ, რომ შედეგებს ჯერ კიდევ სწავლობენ და ამ დრომდე გაურკვეველია, ლიკვიდირებულია თუ არა ლარიჯანი.

• პარალელურად, ოთხშაბათს ისრაელის თავდაცვის ძალებმა იერიში მიიტანეს „პალესტინის ისლამური ჯიჰადის“ ლიდერ აკრამ ალ-აჯურისა და ტერორისტული დაჯგუფების სხვა მაღალჩინოსნებზე.

• ისრაელის სამხედრო სარდლობა ვარაუდობს, რომ ალ-აჯური, სავარაუდოდ, ლიკვიდირებულია, თუმცა ინფორმაციის საბოლოო გადამოწმება კვლავ მიმდინარეობს.

კომენტარი: აღნიშნულ დეტალებს ისრაელის თავდაცვის ძალების გენერალური შტაბის უფროსი, გენერალ-ლეიტენანტი ეიალ ზამირი ადასტურებს.

• დღეს დილით ზამირმა განაცხადა, რომ „ღამით დაფიქსირდა ლიკვიდაციის მნიშვნელოვანი მიღწევები, რომელთაც აქვთ პოტენციალი, გავლენა მოახდინონ კამპანიის შედეგებსა და IDF-ის მისიებზე“.