ახალი ამბები

ესტონეთი მეზობელ ქვეყნებთან ერთად რუსეთის ფედერაციის წინააღმდეგ ერთობლივი სავაჭრო ემბარგოს შემოღებას განიხილავს, მაგრამ იდეას ჯერ მხარდაჭერა არ აქვს.

ამ ინფორმაციას ესტონეთის საზოგადოებრივი მაუწყებელი ავრცელებს.

პრემიერ-მინისტრმა კაია კალასმა თქვა, რომ ესტონეთს რუსეთისთვის ერთობლივი სავაჭრო ემბარგო დაწესება ბალტიისპირეთის მეზობლებთან და ფინეთთან ერთად სურს, მაგრამ ამ საკითხზე მოლაპარაკებები ჯერჯერობით წარუმატებელია.

მისი თქმით, ამ საკითხში მთავარ როლს ფინეთი თამაშობს.

კალასს ჯერ ეს საკითხი ფინეთის პრემიერ-მინისტრ პეტერი ორპოსთან არ განუხილავს, მაგრამ ამის გაკეთებას აპირებს.

ტვირთები ისეთი საქონლით, რომლებიც არ ექვემდებარება სანქციებს, მათ შორის ელექტრონიკა, აღჭურვილობა და საკვები, კვლავ ყოველდღიურად შედის ესტონეთიდან რუსეთში.

ესტონეთის საგარეო საქმეთა მინისტრი მარგუს ცაჰკნა აცხადებს, რომ ესტონეთის გადაწყვეტილება მნიშვნელოვან გავლენას არ მოახდენს სიტუაციაზე, მაგრამ დარტყმა იქნება ესტონური ბიზნესისთვის.

მან მოიყვანა მაგალითი, რომ მთავრობამ 2022 წლის ბოლოს ეროვნულ სარკინიგზო ოპერატორ Operail-ს რუსეთთან კავშირის შეწყვეტა უბრძანა. ამის შემდეგ კი ნიშა ლატვიის ეროვნულმა გადამზიდავმა დაიკავა.

"ჩვენ ვხედავთ მზარდ ზეწოლას უფრო გადამწყვეტი ნაბიჯების გადადგმის სასარგებლოდ. როგორც პოლონეთში, ასევე ლიეტუვაში, სადაც არჩევნები ახლოვდება, ამ საკითხზე სერიოზული საუბრები მიმდინარეობს," - აღნიშნა მან. "დიახ, ჩვენ შეგვიძლია მივიღოთ ერთობლივი გადაწყვეტილება, აიკრძალოს სანქცირებული საქონლის ტრანზიტი რუსეთის გავლით მესამე ქვეყნებში მიმღებებისთვის."