ახალი ამბები

ნიდერლანდების მთავრობამ კრონავირუსის შემთხვევების მკვეთრი ზრდის გამო ქვეყანაში 3 კვირით შეზღუდვები დაწესდა.

პრემიერ-მინისტრმა მარკ რუტემ სატელევიზიო მიმართვაში თქვა, რომ ახალი შეზღუდვები ძალაში შაბათს შევა და ქვეყნის ყველა მოქალაქეზე გავრცელდება.

ნიდერლანდებში ბარები და რესტორნები 20:00 საათზე დაიხურება, სავაჭრო ცენტრები - 18:00-ზე და სპორტულ ღონისძიებებს გულშემატკივრები ვერ დაესწრებიან.

მთავრობის გადაწყვეტილება კორონავირუსით ინფიცირების 16,000 დღიურ ახალ შემთხვევას მოჰყვა. აღსანიშნავია ის ფაქტი, რომ ქვეყნის მოსახლეობის 85% სრულად არის აცრილი.