ახალი ამბები

რუსეთმა ბელარუსის საჰაერო ზონაში პატრულირების მიზნით ორი ბირთვული შესაძლებლობის სტრატეგიული ბომბდამშენი გაგზავნა.

ბელარუსის თავდაცვის სამინისტროს ცნობით, TU-160-ის ტიპის ორი ბომბდამშენი წვრთნებს რუზანის პოლიგონზე, პოლონეთის საზღვრიდან 60 კილომეტრში ჩაატარებს.

კრემლის განცხადებით, ბომბდამშენების გაგზავნა ორ ქვეყანას შორის „სტრატეგიული ალიანსის“ განმტკიცებას ემსახურება.

აღნიშნული პოლონეთ-ბელარუსის საზღვარზე მიმდინარე პროცესზე პასუხია, განაცხადა გაეროში რუსეთის წარმომადგენლის მოადგილე დმიტრი პოლიანსკიმ.

ბოლო რამდენიმე დღეა, რაც ბელარუს-პოლონეთის საზღვარზე პოლონეთის შეიარაღებული ძალების მობილიზაციაა გამოცხადებული.

საზღვართან თავშეყრილი ათასობით მიგრანტი პოლონეთის ტერიტორიაზე შეღწევას ცდილობს.

ევროკავშირი ბელარუსს მიგრანტების საკითხის „ჰიბრიდულ იარაღად“ გამოყენებაში სდებს ბრალს.

• პოლონეთმა სასაზღვრო ინციდენტის გამო ბელარუსის ელჩი დაიბარა
• პოლონეთი პუტინს სასაზღვრო კრიზისის წამოწყებაში ადანაშაულებს