ახალი ამბები

ცნობილმა სამხრეთ აფრიკელმა ექიმმა ანჟელიკა კოეტცმა განაცხადა, რომ კორონავირუსის ომიკრონ ვარიანტის სიკვდილიანობა ბევრად დაბალია, ვიდრე დელტა შტამის.

"ხალხი ისე არ იღუპება, როგორც დელტა ვარიანტის შემთხვევაში ხდებოდა," - თქვა ექიმმა ანჟელიკა კოეტცმა ისრაელის საზოგადოებრივ მაუწყებელთან საუბრისას. "დელტა სრულიად განსხვავებულია."

კოეტცი, რომელიც სამხრეთ აფრიკის სამედიცინო ასოციაცის პრეზიდენტია, აცხადებს, რომ ქვეყანაში კორონავირუსის ახალი შემთხვევები 9 დეკემბრის შემდეგ იკლებს.

"ჩვენ ვერ ვხედავთ ახალი შემთხვევების გაორმაგებას, რაც ომიკრონის გამოჩენის საწყის პერიოდში იყო," - აცხადებს ის. "შეიძლება განსხვავებული სურათი იყოს დანარჩენ მსოფლიოში, მაგრამ ახლა სამხრეთ აფრიკაში ომიკრონით ჰოსპიტალიზების მაჩვენებელი დაბალია."

გარდა ამისა, ექიმმა თქვა, რომ აუცრელ პაციენტებს ომიკრონით ინფიცირებისას ბევრად "ინტენსიური" სიმპტომები აქვთ.