ახალი ამბები

ისლამური ტერორისტული ორგანიზაცია თალიბანის წევრებმა ქაბულში, მდინარეში სამი ათასი ლიტრი ალკოჰოლი გადაღვარეს. ამის შესახებ ინფორმაციას ავღანეთის დაზვერვის სამსახური ავრცელებს.

განცხადებაში ნათქვამია, რომ დაკავებულია ალკოჰოლით ვაჭრობაში ჩართული 3 ადამიანი.

სამსახურის მიერ გამოქვეყნებულ კადრებში ჩანს სამი დაპატიმრებული ადამიანი, რომელთა ირგვლივაც შეიარაღებული თალიბები დგანან.

"მუსლიმებმა სერიოზულად უნდა შეიკავონ თავი ალკოჰოლის წარმოებისა და რეალიზაციისგან," - ნათქვამია თალიბანის განცხადებაში. 

ოპერაციის ჩატარების თარიღი და ადგილი უცნობია.