ახალი ამბები

26 თებერვალს უნგრეთის პარლამენტმა, წელიწადნახევრის შემდეგ, შვედეთის ჩრდილოატლანტიკურ ალიანსში შესვლის რატიფიცირება მოახდინა.

უნგრეთის პარლამენტის 188-მა დეპუტატმა მხარი დაუჭირა შვედეთის ნატოში გაწევრიანების ოქმის რატიფიკაციას, ექვსი კი წინააღმდეგი იყო.

ფორმალურად, რატიფიკაციის პროცესი მას შემდეგ დასრულდება, რაც რატიფიკაციის ოქმს ხელს უნგრეთის პრეზიდენტი მოაწერს და ის ოფიციალურ გაზეთში გამოქვეყნდება. ეს მომდევნო კვირაში მოხდება.

უნგრეთი, როგორც ცნობილია, ნატოს წევრი ბოლო ქვეყანა იყო, რომელიც არ დათანხმდა შვედეთის ჩრდილოატლანტიკურ ალიანსში შესვლას.

დიდი ხნის განმავლობაში, ბუდაპეშტი ამტკიცებდა, რომ მხარს უჭერდა შვედეთის შესვლას და "უკანასკნელი არ იქნებოდა", ვინც ამას დაამტკიცებდა. პრაქტიკაში, უნგრეთის პარლამენტში რატიფიცირება უფრო გვიან მოხდა, ვიდრე თურქეთშიც კი, რომელიც ბოლო დრომდე აქტიურად აკრიტიკებდა შვედეთს "ტერორიზმის წინააღმდეგ არასაკმარისი ბრძოლის" გამო.

გასულ პარასკევს ბუდაპეშტში შვედეთის პრემიერ-მინისტრი ულფ კრისტერსონი ჩავიდა. ორბანმა "ურთიერთობის აღდგენაზე" ისაუბრა და დადასტურდა, რომ შვედეთი უნგრეთს კიდევ ოთხ Gripen-ის გამანადგურებელს მიჰყიდის.