ყარაბაღის ე.წ. მთავრობა აზერბაიჯანის მოთხოვნებს დათანხმდა - ცეცხლი შეწყდება
ყარაბაღის ე.წ. მთავრობამ ცეცხლის შეწყვეტისა და განიარაღების გადაწყვეტილება მიიღო, სწორედ ეს იყო აზერბაიჯანის წინაპირობა.
უწყების მიერ გავრცელებულ განცხადებაში ნათქვამია, რომ ე.წ. არცახის სამხედრო დანაყოფები 2 დღის განმავლობაში აქტიურ წინააღმდეგობას უწევდნენ აზერბაიაჯანის არმიას, თუმცა გარკვეულ მონაკვეთებზე აზერბაიჯანელებმა შეძლეს სტრატეგიული კვანძების დაკავება.
"ამასთან დაკავშირებით მივიღეთ რუსეთის სამშვიდობო ძალების წინადადება ცეცხლის შეწყვეტასთან დაკავშირებით",- ნათქვამია განცხადებაში.
გადაწყვეტილება გულისხმობს სრულ განიარაღებას და მძიმე სამხედრო ტექნიკის გაყვანას ყარაბაღის ტერიტორიიდან.
ჩანიშნულია შეხვედრა სომხურ და აზერბაიჯანულ მხარეს შორის, რომელიც ეთნიკური სომხებისა უსაფრთხოებისა და რეინტეგრაციის საკითხებს შეეხება.
მასალა განახლებადია.
.jpg)