ახალი ამბები

დონალდ ტრამპს ირანის წინააღმდეგ სამხედრო მოქმედებების განახლებულ გეგმებს წარუდგნენ. 

ვითარების არსი: ინფორმაციას ამის შესახებ თავის წყაროებზე დაყრდნობით გამოცემა Axios ავრცელებს. 

• საუბარია შეზღუდულ მაგრამ მტკივნეულ საჰაერო დარტყმების ტალღაზ, მათ შორის ირანის კრიტიკული ინფრასტრუქტურის წინააღმდეგ. 
  
  
• კიდევ ერთი გეგმა, რომელსაც გააცნობენ პრეზიდენტს ითვალისწინებს ჰორმუზის სრუტის ირგლივ ტერიტორიის ოკუპირებას, რაშიც მონაწილეობას სახმელეთო ჯარებიც მიიღებენ და რამაც შესაძლოა ჰორმუზის სრუტე განბლოკოს. 
  
  
• კვლავ განიხილება ირანის უკვე გამდიდრებული ურანის მარაგის ამოღების ოპერაციაც. 

დიდი სურათი: ყველა ამ გეგმის მიზანი საბოლოო ჯამში ირანის დათმობებისკენ იძულებაა - ვითარებაში გაცნობიერებული წყაროების ცნობით, დონალდ ტრამპი ფიქრობს, რომ ირანის წინააღმდეგ დაწესებული საზღვაო ბლოკადა საჰაერო დარტყმებზე ეფექტურია და სწორედ ამას განიხილავს ზეწოლის მთავარ ბერკეტად. 

• ამასთანავე გამორიცხული არ არის, რომ ტრამპმა მწვანე შუქი აუნთოს სამხედრო ოპერაციებს, რადგანაც კვლავ ფიქრობს, რომ ეს გააძლიერებს აშშ-ს პოზიციას ირანთა მოლაპარაკებების პროცესში. 

კონტექსტი: შეხვედრას დაესწრება გაერთიანებული შტატების მეთაური გენერალი დენ კეინიც. 

• მსგავსი სამხედრო მოქმედებების გეგმა ამერიკელ პრეზიდენტს წარუდგინეს მიმდინარე წლის 26 თებერვალსაც, ირანის წინააღმდეგ ომის დაწყებამდე 2 დღით ადრე.