ჯანმო: ევროპის მოსახლეობის ნახევარი ომიკრონით დაინფიცირდება
![](https://realpolitika.ge/storage/images/cache/900x440/who-kluge-georgia-cover.jpg)
ჯანდაცვის მსოფლიო ორგანიზაციის ევროპის რეგიონული დირექტორი ჰანს კლუგე აცხადებს, რომ 6-8 კვირაში ევროპის მოსახლეობის ნახევარი კორონავირუსის ახალი, ომიკრონ ვარიანტით დაინფიცირდება.
კლუგეს თქმით, ომიკრონი კონტინენტის ყველა ნაწილში უსწრაფესად ვრცელდება.
2022 წლის პირველ კვირაში ევროპაში ინფიცირების 7 მილიონი ახალი შემთხვევა დაფიქსირდა. პროგნოზი ვირუსის ამ სისწრაფით გავრცელების დაშვებას ეფუძნება.
უკანასკნელი კვლევებით, ომიკრონი წინა ვარიანტებზე ბევრად სწრაფად ვრცელდება. თუმცა, პაციენტებს დელტა შტამთან შედარებით მარტივად გადააქვთ.