ახალი ამბები

"თუ NBA-ს მოთამაშეები არ აიცრებიან, მათ ვერ უნდა ითამაშონ," - განაცხადა მსოფლიო კალათბურთის ლეგენდამ, კარიმ აბდულ ჯაბარმა Rolling Stone-თან საუბრისას.

"კალათბურთში იმ მოთამაშეების ადგილი არ არის, ვინც მზადაა გაწიროს მისი თანაგუნდელების და ფანების სიცოცხლე," - თქვა ჯაბარმა.

კალათბურთის ლეგენდა ვაქცინაციის აქტიური მხარდამჭერია.

NBA კალათბურთელებს არ ავალდებულებს აიცრან, მაგრამ მსაჯებსა და ადმინისტრაციის სხვა თანამშრომლებს მსგავსი ვალდებულება აქვთ.

ნიუ-იორკი და სან-ფრანცისკო მათ ქალაქებში მყოფი NBA-ს გუნდების მოთამაშეებს აცრას ავალდებულებს, ამიტომ ზოგიერთი მოთამაშე ამ ქალაქებში ვერ თამაშობს.

აბდულ ჯაბარმა ანტი-ვაქსერები დაგმო.

"ჩემთვის განსაკუთრებული არაკეთილსინდისირებაა ანტი-ვაქსერების ამპარტავნება, როდესაც მათ არ სჯერათ იმუნოლოგების და სხვა სამედიცინო ექსპერტების. თუმცა, როდესაც მათი შვილებს სჭირდებათ სამედიცინო დახმარება, იგივე ადამიანებს რა სწრაფად ეკითხებიან აზრს?" - დასძინა ჯაბარმა.

ამერიკის მოსახლეობაში ვაქცინაციის მოწინააღმდეგეთა რიცხვი იკლებს. 

ქვეყანაში ყველაზე ნაკლებად აცრილი დემოგრაფიული ჯგუფი შავკანიანები არიან. ამერიკის დაავადებათა კონტროლისა და პრევენციის ცენტრის ცნობით, შავკანიანების მხოლოდ 25%-ია სრულად აცრილი. ამერიკის სრულად აცრილი მოსახლეობის მხოლოდ 9%-ია შავკანიანი, თუმცა, ცენტრის განცხადებით, ეს მონაცემები სრულად აცრილების მხოლოდ 68%-ს მოიცავს.