ახალი ამბები

ხარკოვში, 24 თებერვალს რუსეთში სრულმასშტაბიანი შემოჭრის შემდეგ, 150 ათასმა ადამიანმა დაკარგა საცხოვრებელი.

ამის შესახებ 9 ივნისს, ევროპის საბჭოში, ქალაქების ასოციაციის გენერალური ასამბლეის შეხვედრაზე ხარკოვის მერმა იგორ ტერეხოვმა განაცხადა. 

ტერეხოვის თქმით, ომის დაწყებიდან ხარკოვში დანგრეულია 3.5 ათასი სახლი, საიდანაც 500 მრავალსართულიანი შენობა (მათ შორის 9 და 16 სართულიანი) აღდგენას არ ექვემდებარება.

"მტერი ყოველდღე ანგრევს ინფრასტრუქტურულ ობიექტებს, საცხოვრებელ კორპუსებს, ანგრევს მთელ მიკრორაიონებს და ბოლოს და ბოლოს, ამ ყველაფრის უკან ადამიანების სიცოცხლე და ბედი დგას", - განაცხადა მერმა.

ხარკოვის მერმა აღნიშნა, რომ ქალაქის ახალი გენერალური გეგმის შემუშავება დაიწყო, რომელსაც ბრიტანელი არქიტექტორი ნორმან ფოსტერი ხელმძღვანელობს.

ტერეხოვმა აღნიშნა, რომ ქალაქში ომის შემდეგ ახალი უბნების და სატრანსპორტო კვანძების აშენებას გეგმავენ.